ആന്മരിയ കലിപ്പിലാണ്. (2016)
കലിപ്പില്ലാതെ കണ്ടിരിക്കാവുന്ന മനോഹരമായ ഒരു കൊച്ചു ചിത്രം. സണ്ണിയും അജുവും നല്ല കോമ്പോ ആയിട്ടുണ്ട്. കോമഡി സീന് ഒക്കെ നന്നായിട്ടുണ്ട്. പ്രത്യേകിച്ച് ആ പൂമ്പാറ്റ പറക്കുന്ന സീന്. എനിക്കിഷ്ട്ടപ്പെട്ടത് അജുവിന്റെ ഒരു ഡയലോഗ് ആണ്. ഇനി എങ്കിലും എന്തെങ്കിലും ചെയ്യുമ്പോ എന്നോട് കൂടെ ഒന്ന് പറഞ്ഞിട്ട് പോ, കുറഞ്ഞ പക്ഷം എന്തിനാണ് തല്ലു കിട്ടുന്നത് എന്ന് എങ്കിലും എനിക്കറിയാമല്ലോ? :D
സണ്ണി വെയ്ന് എന്ന നടന് ഈ സിനിമയോടെ കൂടുതല് ജനപ്രിയന് ആയി എന്ന് പറയാം. പൂമ്പാറ്റ ഗിരീഷ് ആയി പുള്ളി കസറിയിട്ടുണ്ട്. , പ്രത്യേകിച്ചും ആ ജോലിക്ക് പോകാതെ മടി പിടിച്ച് ഇരിക്കുന്നതൊക്കെ..അത് പോലെ ആ കൊച്ചിനോട് "തല്ലാന് കൈ പൊങ്ങിയപ്പോള് പെട്ടെന്ന് എനിക്കെന്റെ കോളേജിലെ സാറിനെ ഓര്മ്മ വന്നു , അല്ലായിരുന്നെങ്കില്... :D
പിന്നെ ആ പെണ്കുട്ടി, അവളുടെ കൂട്ടുകാര് എല്ലാവരും നല്ല പെര്ഫോമന്സ് തന്നെ. തൃശൂര് ഭാഷയില് സംസാരിച്ച ആ ചെക്കൻ സൂപ്പർ ആയിട്ടുണ്ട് . ബിജുക്കുട്ടന്റെ ആ മാലാഖ വേഷവും, മുറുക്കി തുപ്പികൊണ്ടുള്ള ആ വരവും. ഷൈന് ചാക്കോയും നന്നായിട്ടുണ്ട്, ആ ചായക്കടയില് വന്ന് " ചേട്ടാ, ഒരു മോതിരം 😀 പിന്നെ എടുത്ത് പറയേണ്ടത് സിദ്ധിക്കിന്റെ ആ ഒരു സീന് ആണ്, ചുമ്മാ വന്നു കിടുക്കി കളഞ്ഞു പുള്ളി 👌
പിന്നെയും ഉണ്ട് ഇഷ്ട്ടപ്പെട്ട കുറെ രംഗങ്ങള്. ഒന്ന് കൂടെ കാണണം. വലിയ താര നിരകള് ഇല്ലാതെ തന്നെ പടം ഹിറ്റ് ആയത് ഇങ്ങനെ കുറെ നല്ല രംഗങ്ങള് ഉള്ളത് കൊണ്ടാണ്. മിഥുന് ഭായ്, ഇങ്ങനത്തെ കുറച്ചു നല്ല സിനിമകള് എടുത്തു കൊണ്ടേ ഇരിക്കൂ..All the best for #Alamara :)
No comments:
Post a Comment