Two Brothers (2004)
കുറച്ചു നാള് മുന്പേ എന്റെ ഒരു സുഹൃത്താണ് എന്നോട് ഈ സിനിമയെ കുറിച്ച് പറഞ്ഞത്. ഇംഗ്ലീഷ് സിനിമകള് അങ്ങനെ കാണാറില്ലെങ്കിലും ഇതിന്റെ കഥ കേട്ടപ്പോള് കാണാന് ഒരു താല്പര്യം വന്നു.
കഥ തുടങ്ങുന്നത് ഒരു കാട്ടിലാണ്. അവിടെ ജീവിക്കുന്ന ഒരു കടുവ കുടുംബം. അച്ഛന്, അമ്മ, സഹോദരങ്ങളായ രണ്ടു കുട്ടികടുവകള്. അവിടെ വന്ന വേട്ടക്കാരില് ചിലര് അച്ഛന് കടുവയെ വെടി വെച്ച് കൊല്ലുന്നു. അമ്മ കടുവ ഒരു കുഞ്ഞിനേയും കൊണ്ട് രക്ഷപ്പെടുന്നു. ഒരു കടുവകുട്ടി അവരുടെ കയ്യില് പെടുന്നു. അവന് ഒരു സര്ക്കസ് കമ്പനിയിലും അതിന്റെ സഹോദരന് കടുവ പിന്നീട് ഒരു രാജകൊട്ടാരത്തിലും എത്തിപെടുന്നു. ഒരു വര്ഷത്തിന് ശേഷം അവര് രണ്ടു പേരും വലിയ കടുവകള് ആയ ശേഷം വേറൊരു സ്ഥലത്ത് വേറൊരു സാഹചര്യത്തില് കണ്ടു മുട്ടുന്നതാണ് കഥാസാരം. ശേഷമുള്ള പല രംഗങ്ങളും നമ്മളുടെ മനസ്സില് സ്പര്ശിക്കും.
2004-ല് ആണ് ഈ ചിത്രം പുറത്തിറങ്ങിയത്. ഫ്രാന്സിലെയും തായ്ലണ്ടിലെയും മൃഗശാലകളില് നിന്നുള്ള മുപ്പതോളം കടുവകളെയാണ് ഈ സിനിമയില് ഉപയോഗിച്ചിരിക്കുന്നത്. വളരെ രസകരമായ സിനിമയാണ്. കുട്ടികളുടെ കൂടെ കാണാന് ശ്രമിക്കുക. അവര്ക്ക് നമ്മളെക്കാള് കൂടുതല് ആസ്വദിക്കാന് കഴിയും.
No comments:
Post a Comment