ഏറെ പ്രതീക്ഷയോടെ കാത്തിരുന്ന വിജയുടെ "തലൈവാ" ഇന്ന് ദുബായില്‍ റിലീസ് ആയി. ഒപ്പം ഷാരൂഖ്‌ ഖാന്റെ ചെന്നൈ എക്സ്പ്രസ്സ്‌ ഉണ്ടായിരുന്നു എങ്കിലും തലൈവാ തന്നെ ആദ്യം കാണാന്‍ തീരുമാനിച്ചതു തലൈവാ തന്നെയാണ്. തുപ്പാക്കിക്ക് ശേഷം വരുന്ന വിജയുടെ ഫിലിം ആയതു കൊണ്ട് ആരാധകരും ആവേശത്തിലായിരുന്നു.
ഇനി സിനിമയിലേക്ക്..ഒരു ഫ്ലാഷ് ബാക്ക് സീനോടെയാണ് സിനിമ തുടങ്ങുന്നത്. മുമ്പിലെ ഒരു കലാപം, അവിടെ ജനങ്ങളുടെ രക്ഷകനായി അവതരിക്കുന്ന സത്യരാജ്.അയാളുടെ ഭാര്യാ ശത്രുക്കളാല്‍ വധിക്കപെടുന്നു. അത് കൊണ്ട് അയാള്‍ മകന്‍ വിജയെ വളരെ ചെറുപ്പത്തില്‍ തന്നെ മുംബൈല്‍ നിന്ന് മാറ്റി താമസിപ്പിക്കുന്നു. പിന്നീട് അയാള്‍ മുംബൈല്‍ ജനപ്രിയനായ ഒരു ഭായ് ആയി കഴിയുന്നു.
ഇപ്പോള്‍ വിജയ്‌ ആസ്ട്രേലിയയില്‍ ആണ്, അവിടെ ബിസിനെസ്സും അല്ലറ ചില്ലറ ഡാന്‍സും ആയി നടക്കുന്നു. സാധാരണ പോലെ നായിക അമല പോളുമായി വിജയ്‌ പ്രേമത്തിലാകുന്നു. അമലയുടെ അച്ഛന്‍ അവരുടെ കല്ല്യാണം നടത്താന്‍ വേണ്ടി വിജയുടെ അച്ഛനെ കാണണം എന്ന് പറയുന്നു. അങ്ങനെ അച്ഛനോട് പറയാതെ വിജയ്‌ അവരെയും കൂട്ടി മുംബൈല്‍ എത്തുന്നു. പിന്നെ അവിടെ നടക്കുന്നത് ചില അപ്രതീക്ഷിത സംഭവങ്ങളാണ്. സത്യരാജ് കൊല്ലപ്പെടുന്നതോടെ വിജയ്ക്ക് സത്യരാജിന്റെ പകരക്കാരന്‍ ആയി മുംബൈല്‍ തന്നെ കഴിയേണ്ടി വരുന്നു. തുടര്ന്നുണ്ടാകുന്ന കാര്യങ്ങളാണ് സിനിമയുടെ കഥ.
സിനിമയുടെ ആദ്യ പകുതി വളരെ പതിയെ ആണ് പോകുന്നത്, വിജയുടെയും അമലയുടെയും പ്രേമം മാത്രമാണ് കൂടുതലും ഉണ്ടായിരുന്നത്, ആകെ ഒരു ആശ്വാസം സന്താനത്തിന്റെ കുറച്ചു കോമഡി നമ്പറുകളാണ്. ആദ്യ പകുതിയിലെ അവസാനത്തെ ട്വിസ്റ്റ്‌ എല്ലാവരെയും ഒന്ന് ഞെട്ടിച്ചു, പിന്നെ ഒരു നല്ല പഞ്ച് സീനോടെ ഇടവേള. അതിനു ശേഷം കാര്യമായ സംഭവങ്ങള്‍ ഒന്നുമില്ല, നമ്മള്‍ മുന്പ് കണ്ടിട്ടുള്ള കഥകളും സന്ദര്‍ഭങ്ങളും തന്നെ ആവര്‍ത്തിച്ചു. തുപ്പാക്കി എല്ലാം കാണുമ്പോള്‍ ഉള്ള ആ ഒരു ത്രില്ല് തലൈവായില്‍ കിട്ടുന്നില്ല. കഥാപരമായി സിനിമയില്‍ കാര്യമായി ഒന്നുമില്ല, അത് കൊണ്ടുള്ള പ്രശ്നങ്ങളാണ് പ്രധാനമായും. അല്ലെങ്കില്‍ പിന്നെ ഈ ഒരു കഥ വെച്ച് ആളുകളെ ഒന്ന് കൂടെ രസിപ്പിക്കുന്ന വിധം സംവിധാനം ചെയ്യാന്‍ കഴിഞ്ഞിരുന്നു എങ്കിലും കുഴപ്പമില്ലായിരുന്നു,പക്ഷെ അവിടെയും പാളിപ്പോയി.
ഗാനങ്ങള്‍ ഒന്നും അത്ര മികച്ചതല്ല,അത് കൊണ്ട് തന്നെ ഗാന രംഗങ്ങളും അത്ര സുഖകരമായില്ല. സിനിമയുടെ പല രംഗങ്ങളിലും പ്രേക്ഷകരുടെ ക്ഷമ പരീക്ഷിച്ചു.വിജയുടെ ഒരു സ്ക്രീന്‍ പ്രസന്‍സ് കൊണ്ട് മാത്രം ഇങ്ങനെ കണ്ടിരിക്കാം, അത്രയേ ഉള്ളു. നായിക അമല പോളിന്റെ വേറിട്ടൊരു പ്രകടനം കാണുവാന്‍ സാധിച്ചു. വിക്രമിന്റെ താണ്ടവം സംവിധാനം ചെയ്ത വിജയുടെ ചിത്രം ആണ് തലൈവ. വിജയുടെ ആരാധകര്‍ക്ക് ചിത്രം ഇഷ്ട്ടപ്പെട്ടെക്കാം.മറ്റുള്ളവര്‍ക്ക് എത്ര മാത്രം ആസ്വാദ്യകരമാകും എന്ന് പറയാനൊക്കില്ല.
No comments:
Post a Comment