കമല്‍ ഹസ്സനും അംബികയും അഭിനയിച്ച പഴയ തമിള്‍ സൂപ്പര്‍ ഹിറ്റ്‌ ചിത്രം കാക്കിസട്ടൈ (1985) കണ്ടു. കമലിന്റെ ശ്രദ്ധിക്കപ്പെട്ട പോലീസ് വേഷങ്ങളില്‍ ഒന്നായിരുന്നു ഇത്.
.jpg)
പോലീസില്‍ ചേരാന്‍ ആഗ്രഹിച്ചു നടക്കുന്ന മുരളി (കമല്‍) എന്ന യുവാവ്‌. അയാള്‍ അയല്‍ക്കാരിയായ ഉമയുമായി (അംബിക) ഇഷ്ട്ടത്തിലാണ്. ഫിസിക്കല്‍ ടെസ്റ്റില്‍ പരാജയപ്പെടുന്ന മുരളി ഒരു കള്ളക്കടത്ത് സംഘത്തെ പിടി കൂടാന്‍ പോലീസിനെ സഹായിക്കുന്നു. അതില്‍ സംതൃപ്തനായ ഒരു സീനിയര്‍ ഓഫീസര്‍ മുരളിയെ പോലീസില്‍ എടുക്കുന്നു. ആ ഓഫീസിറുടെ നിര്‍ദേശപ്രകാരം വിക്കിയെയും (സത്യരാജ്) അയാളുടെ പാര്‍ട്ണര്‍ ആനന്ദിനെയും (രാജീവ്‌ ) പിടിക്കാന്‍ വേണ്ടി അവരുടെ സംഘത്തില്‍ കയറി പറ്റുന്ന മുരളി വളരെ പെട്ടെന്ന് വിക്കിയുടെ വിശ്വസ്തന്‍ ആയി മാറുന്നു. അവിടെ വെച്ച് അയാള്‍ അനിതയുമായി (മാധവി) അടുക്കുന്നു. അവരെ ഒരുമിച്ചു കാണുന്ന ഉമ തെറ്റിദ്ധരിച്ച്‌ മുരളിയുമായി അകലുന്നു. മുരളി ഉമയോട് സത്യം തുറന്നു പറയുന്നു. ഇതിനിടയില്‍ ആനന്ദിനോട് മുന്‍ വൈരാഗ്യം ഉള്ള അനിത അയാളെ കൊല്ലുന്നു. വിക്കിയുടെ പല രഹസ്യങ്ങളും മുരളി പോലീസിന് കൈ മാറുന്നു. ഒടുവില്‍ മുരളി പോലീസിന്റെ ആളാണ് എന്ന് വിക്കി മനസിലാക്കുന്നു. മുരളിയെ സഹായിച്ച അനിതയെ അയാള്‍ വക വരുത്തുന്നു. പിന്നീട് അയാള്‍ മുരളിയെയും ഉമയെയും തട്ടി കൊണ്ട് വരുന്നു. വിക്കിയുടെ കയ്യില്‍ നിന്നും അവര്‍ എങ്ങനെ രക്ഷപെടുന്നു എന്നതാണ് ബാക്കി കഥ.
കമലിന്റെയും മാധവിയുടെയും ഒരു ഡിസ്കോ ഡാന്‍സ് അടക്കം ഇളയരാജയുടെ അഞ്ചു ഗാനങ്ങള്‍ ചിത്രത്തില്‍ ഉണ്ട്. SPB പാടിയ കണ്മണിയെ പേസ്‌എന്ന സൂപ്പര്‍ഹിറ്റ്‌ ഗാനം ഈ ചിത്രത്തിലെയാണ്. ഇതിന്റെ സംവിധായകന്‍ രാജശേഖര്‍ എണ്‍പതുകളില്‍ രജനികാന്തിനെ വെച്ച് കുറെ ഹിറ്റ്‌ സിനിമകള്‍ എടുത്തിട്ടുണ്ട്. തമിഴില്‍ ആദ്യമായി ഒരു കോടിയുടെ മുകളില്‍ ചിലവായ കമല്‍ ഹസ്സന്റെ വിക്രം എന്ന ചിത്രം ഒരുക്കിയതും ഇദ്ദേഹമാണ്. ഹിന്ദിയില്‍ നിന്നും അംജദ് ഖാനും, ഡിമ്പിള്‍ കബാടിയയും ഒക്കെ അതില്‍ വേഷമിട്ടു. തന്റെ അവസാന ചിത്രമായ ധര്‍മ്മദുരൈയുടെ നൂറാം ദിവസം ആഘോഷിക്കുന്നതിനു മുന്‍പേ അദ്ദേഹം അന്തരിച്ചു.
No comments:
Post a Comment