സ്ഫടികം ഇറങ്ങി 25 വർഷങ്ങൾ ആയത് കൊണ്ട് ഇന്നലെ സിനിമ ഒന്നൂടെ കണ്ടു. തോമയും കുറ്റിക്കാടനും തമ്മിൽ പത്തോളം സീനുകൾ ആണ് ഉള്ളത്. അതിൽ എന്താ രസമെന്ന് വെച്ചാൽ അതിൽ ഏറെക്കുറെ എല്ലാ സീനിലും ഇവർ തമ്മിൽ അടിയാണ്. ഒന്നോർത്താൽ കുറ്റിക്കാടന്റെ കാര്യം കഷ്ടമാണ്. തോമയുടെ അടി കുറച്ചൊന്നുമല്ല അയാൾ വാങ്ങി കൂട്ടിയത്.
തോമ ആദ്യമായി സ്റ്റേഷനിൽ വന്ന ദിവസം . അന്ന് മാത്രമാണ് തനിക്ക് അവനെ ശരിക്കൊന്ന് തല്ലാൻ കിട്ടിയത് . തോമ തിരിച്ച് തല്ലാൻ ഓങ്ങുമ്പോളെക്കും പെങ്ങൾ കേറി തടഞ്ഞു , അത് കൊണ്ട് അവൻ അന്ന് ഒന്നും ചെയ്തില്ല . പിന്നെ അവന്റെ കൊച്ചാപ്പൻ ഒരു പരട്ട വക്കീലിനെയും കൊണ്ട് വന്ന് അവനെ പുറത്തിറക്കി. അന്നേരം ഒരു പഞ്ചിന് അവനൊരു വടിയും കൊടുത്ത് വിട്ടതാ. പക്ഷെ അവിടെ നിന്ന് തൊട്ട് തന്റെ കഷ്ടകാലം തുടങ്ങി. പിന്നെയങ്ങോട്ട് നിലം തൊട്ടിട്ടില്ല.
ഭാര്യയേയും കൂട്ടി മനഃസമാധാനമായി സിനിമ കാണാൻ വന്നപ്പോളാണ് തോമ തിയറ്ററിൽ വന്ന് അലമ്പുണ്ടാക്കിയത് . ഭാര്യയെ വീട്ടിൽ കൊണ്ടാക്കി യൂണിഫോം ഇട്ട് വന്നതാ, തോമ അറഞ്ചം പുറഞ്ചം തല്ലി. തലയിലൂടെ മുണ്ടിട്ട് SI സോമനെ ചെയ്ത പോലെ കിണറ്റിൽ തള്ളിയിടാൻ നോക്കി. എന്തോ തോമ അത് ചെയ്യാതെ വിട്ടു. ഉള്ള ജീവനും കൊണ്ട് അന്ന് രക്ഷപെട്ടു.
അതിന് പകരമായി തോമായെ പിടിക്കാൻ ലൈലയുടെ വീട്ടിൽ ചെന്നപ്പോൾ അവിടെയും തോമ തന്നെ എടുത്തിട്ട് പെരുക്കി. തോക്ക് ഉണ്ടായത് ഭാഗ്യമായി. ഒടുവിൽ അത്
കാണിച്ചാണ് അവനെ കീഴടക്കിയത്. അല്ലെങ്കിൽ അന്നും അടി കൊണ്ട് ചത്തേനെ.
തോമയെയും ലൈലയെയും വിലങ്ങ് വെച്ച് ചന്തയിലൂടെ നടത്തി സ്റ്റേഷനിൽ കൊണ്ട് വന്നു. ലോക്കപ്പിൽ കയ്യ് കെട്ടിയിട്ട് അടിക്കാൻ ചെന്നപ്പോൾ അവിടെയും തോമയുടെ കുറേ ചവിട്ട് കൊണ്ടു. തിരിച്ച് തല്ലാൻ നിന്നപ്പോളേക്കും ആ SP വിളിച്ചു. തോമ കൂളായി ഇറങ്ങി പോയി.. ശല്യങ്ങൾ.
ജഡ്ജിയുടെ ഗേറ്റ് പൂട്ടിയിട്ട കേസിൽ തോമയെ അറസ്റ്റ് ചെയ്യാൻ പോയപ്പോൾ ഒരു കാര്യവും ഇല്ലാതെ തോമയുടെ അമ്മയെ പിടിച്ച് തള്ളി. അതിനും കിട്ടി തോമയുടെ ചവിട്ട് നെഞ്ചത്ത് തന്നെ. ഒടുക്കം അവന്റെ തന്തയുടെ സഹായത്തോടെ തോമായെ പിടിച്ച് കൊണ്ട് പോയി ഗേറ്റിൽ പൂട്ടിയിട്ട് തല്ലാമെന്ന് വെച്ചതാ. അപ്പോളേക്കും ആ ജഡ്ജ് തന്നെ വന്ന് തോമയെ തുറന്ന് വിടാൻ പറഞ്ഞു. അപ്പോളും തോമ രക്ഷപ്പെട്ടു.. നാശം.
തോമ തന്റെ ശിങ്കിടികളെയും കൂട്ടി വീട്ടിൽ വന്ന് ഭീഷണി പെടുത്തി പോയി. അതും തന്റെ ഭാര്യയുടെ മുൻപിൽ വെച്ച്. അവന്റെ പെങ്ങളുടെ കല്യാണം അടുത്തത് കൊണ്ട് എന്തോ ഭാഗ്യത്തിന് അന്ന് അടി കിട്ടാതെ രക്ഷപ്പെട്ടു . തനിക്ക് നേരിട്ട് തോമായെ ഒന്നും ചെയ്യാൻ പറ്റില്ലെന്ന് മനസ്സിലായി. അങ്ങനെയാണ് പൂക്കോയെ കൊണ്ട് കാശ് കൊടുത്ത് തോമയെ കൊല്ലാൻ തൊരപ്പനെ ഇറക്കുന്നത്. പക്ഷെ തോമ ചത്തില്ല.. കോപ്പ്.
തന്നെ കുത്തിയ തൊരപ്പനെ ഇറക്കിയത് ആരാണെന്ന് മനസ്സിലായ തോമ ഹോസ്പിറ്റലിൽ നിന്നിറങ്ങി ഒരു വരവ് വന്നു . മാർക്കറ്റിൽ എല്ലാരുടെയും മുൻപിൽ വെച്ച് തന്നെ അടിച്ച് വീഴ്ത്തി. കൊല്ലാൻ വേണ്ടി വെട്ടുകത്തിയും എടുത്ത് വന്നതാ, ആ തുളസി വന്ന് തടഞ്ഞ കാരണം കഷ്ടിച്ച് രക്ഷപ്പെട്ടു, അല്ലെങ്കിൽ അവിടെ തീർന്നേനെ തന്റെ കഥ .
അവസാന ശ്രമം എന്ന നിലക്കാണ് വണ്ടിയിൽ ബോംബ് വെച്ച് തോമായെ കൊല്ലാൻ നോക്കിയത് . പക്ഷേ കൂടെ ജോലി ചെയ്യുന്ന ആ പാച്ചുപിള്ള കൃത്യ സമയത്ത് തോമായെ വിവരം അറിയിച്ചു. അവൻ അവിടെ നിന്നും രക്ഷപ്പെട്ടു. ഓരോ പാരകൾ .
എന്നാൽ പിന്നെ ആ ഗ്യാപ്പിൽ തോമയെ കൊല്ലാൻ നോക്കിയെന്നും പറന്ന് തോമയുടെ അപ്പനെ അകത്താക്കാം എന്ന് വെച്ചതാ. അത് പക്ഷേ കയ്യാങ്കളി ആയി , അപ്പോളേക്കും തോമ വന്ന് വീണ്ടും ഇടി തുടങ്ങി. ഇത്രേം പോലീസ് ഉണ്ടായിട്ടും തോമായെ തളക്കാൻ പറ്റിയില്ല. എന്നാൽ വെടി വെച്ച് വീഴ്ത്താം എന്ന് കരുതിയപ്പോളാണ് ആ തന്തപ്പടി ഒരു കാര്യവുമില്ലാതെ അതിന്റെ മുൻപിലേക്ക് ചാടിയത്. തോമ വീണ്ടും രക്ഷപ്പെട്ടു. ഓരോ കുരിശുകൾ.
ഇനി അവിടെ നിന്നാൽ പന്തിയല്ലെന്ന് മനസ്സിലായി ഓടി രക്ഷപ്പെടാൻ ശ്രമിച്ചതായിരുന്നു, പക്ഷേ തോമ ജീപ്പുമായി പിന്നാലെ വന്ന് ഇടിച്ചിട്ടു. ജീപ്പിൽ കൈ വിലങ്ങ് ഇട്ട് പൂട്ടി ആ പാറമടയുടെ മുകളിൽ നിന്ന് വണ്ടിയോടെ തള്ളിയിട്ടു. തക്ക സമയത്ത് പുറത്തേക്ക് ചാടി അവൻ രക്ഷപ്പെട്ടു. അലവലാതി. താനും വണ്ടിയും താഴേക്ക് പതിച്ചു. ടമാർ പടാർ.. എല്ലാം ശുഭം !!
مكافحة حشرات المنزل
ReplyDeleteمكافحة حشرات بالقصيم
شركة مكافحة النمل الابيض بالقصيم
شركة مكافحة الحشرات ببريدة
شركة رش مبيدات ببريدة
شركات مكافحة الحشرات بالقصيم
افضل شركة مكافحة الحشرات