മന്മഥന് (പ്രഭു) സാഹസികനായ ഒരു ജേര്ണലിസ്റ്റ് ആണ്. ആരും എഴുതാന് മടിക്കുന്ന വിഷയങ്ങളെ കുറിച്ച് എഴുതുകയും, അത്തരം സ്ഥലങ്ങളിലേക്ക് പോകുകയും ചെയ്യുന്ന ഒരു റിപ്പോര്ട്ടര്. ആളുടെ സന്തത സഹചാരിയാണ് പീറ്റര് (കൌണ്ട മണി). പത്രത്തിന്റെ എഡിറ്റര് ( ചാരു ഹസ്സന്) അവര്ക്ക് നല്ല പിന്തുണ നല്കാറുണ്ട്. മദന് തന്റെ ചിത്തിയുടെയും അനിയത്തിയുടെയും കൂടെയാണ് താമസം. അങ്ങനെയിരിക്കെ,എയര്പോര്ട്ടിലെ ഒരു സെക്യൂരിറ്റി ഉദ്യോഗസ്ഥന് ഒരു പബ്ലിക് ടെലിഫോണ് ബൂത്തില് വെച്ച് കൊല്ലപ്പെടുന്നു. സംഭവസ്ഥലത്ത് വരുന്ന മദന് ഈ കൊലപാതകത്തില് സംശയം ഉണ്ടാകുന്നു. മദന് അയാളുടെ വീട്ടില് പോകുന്നു. അയാളുടെ മകളെ ( ഖുശ്ബു) കാണുന്നു. അച്ഛനെ കുറിച്ച് തനിക്കു അറിയാവുന്ന കാര്യങ്ങള് അവള് അയാളോട് പറയുന്നു. പിന്നീട് മദന് അവളുമായി അടുക്കുന്നു. അവളുടെ അച്ഛന് ഒരു ബ്ലാക്ക് മെയിലര് ആണെന്ന കാര്യം മദന് തിരിച്ചറിയുന്നു. പിന്നീടുള്ള അന്വേഷണത്തിന്റെ ഇടയ്ക്കു മദന് നേരെ പല തവണ ആക്രമണം ഉണ്ടാകുന്നു. പക്ഷെ ആരാണ് ഇതിനു പിന്നില് എന്നറിയാതെ അയാള് പിന്മാറുന്നില്ല. പക്ഷെ വില്ലന്മാര് അയാളുടെ അനിയത്തിയെ മൃഗീയമായി കൊല്ലുന്നു. തുടര്ന്ന് അവര്ക്കെതിരെ മദന് നടത്തുന്ന ഒറ്റയാള് പോരാട്ടത്തിന്റെ കഥയാണ് നാളയ സെയ്തി.
നല്ല ആക്ഷന് രംഗങ്ങള് കൊണ്ട് സമ്പന്നമാണ് ചിത്രം. പൊന്നമ്പലവും പ്രഭുവും കൂടെയുള്ള കിടിലന് ഒരു സംഘട്ടനം ഉണ്ട്. പിന്നെ കുറച്ചു പാട്ടുകള്, കൌണ്ടാമണി സെന്തില് ടീമിന്റെ കോമഡി അങ്ങനെ ഒരു പതിവ് തമിഴ് ചിത്രത്തിന് വേണ്ട ചേരുവകള് എല്ലാം ഉള്ള ചിത്രം.
