മലപ്പുറം ഹാജി മഹാനായ ജോജി (1994)
ഹാജി : നിങ്ങളില് ആരെങ്കിലും ഒരാള് അലിയാര് മാഷുടെ കൂടെ എപ്പോളും ഉണ്ടാകണം.
ജോജി : ഞാന് നില്ക്കുന്നതായിരിക്കും മാഷിന് കൂടുതല് ഇഷ്ട്ടം
വേണ്ട വേണ്ട എന്ന് ആംഗ്യം കൊണ്ട് കാണിക്കുന്ന അലിയാര് മാഷ്. ആ കൈ പിടിച്ച് താഴ്ത്തി വെച്ച് കൊണ്ട് കുഞ്ഞാലിക്കുട്ടി : വിഷമിക്കണ്ട, ഞാനും കൂടെ നില്ക്കാം..
ഹോ..അത് കേട്ട നിസ്സഹായാവസ്ഥയോട് കൂടെയുള്ള അലിയാര് മാഷുടെ ആ മുഖം... :D
തേന്മാവിന് കൊമ്പത്തും, കമ്മീഷണറും, കാബൂളിവാലയും എല്ലാം തകര്ത്തോടിയ ആ വര്ഷം അതിന്റെ കൂടെ ഇറങ്ങി സാമ്പത്തിക വിജയം നേടിയ സിനിമ ആയിരുന്നു മലപ്പുറം ഹാജി മഹാനായ ജോജി. ഇന്നും അതിലെ ജഗതിയുടെ P.T.മാഷ് അലിയാരുടെ സീനുകള് TV-യില് വരുമ്പോള് കാണാറുണ്ട്. ലെഫ്റ്റ് റൈറ്റ് ലെഫ്റ്റ് ഹാജ്യാരെ എന്ന് വിളിച്ചുള്ള ആ ഓട്ടവും സുകുമാരന് വെച്ച വെടി കഴുത്തില് കൊണ്ടുള്ള ആ തിരിയലും.. :D
കുറച്ച് നാള് മുന്പ് തുളസിദാസ് ഇതിന്റെ ഒരു രണ്ടാം ഭാഗം പ്ലാന് ചെയ്യുന്നു എന്ന് കേട്ടിരുന്നു. മലപ്പുറം ജോജി, മഹാനായ ഹാജി എന്ന് പേരും ഇട്ടിരുന്നു. പിന്നെ ഒന്നും കേട്ടില്ല. ഒരു കണക്കിന് അത് വരാതിരുന്നത് നന്നായി. കാദര്ഭായുടെ ഒക്കെ അവസ്ഥ നമ്മള് കണ്ടതാണല്ലോ..അല്ലെങ്കിലും ചില സിനിമകള് രസകരമായ ആ പഴയ ഓര്മ്മകളില് തന്നെ നില്ക്കുന്നതാണ് നല്ലത് :)
