ഈ അടുത്ത് കണ്ട അഞ്ച് തമിഴ് സിനിമകളുടെ ചെറിയൊരു റിവ്യൂ..
Kutrame thandanai - കാക്കമുട്ടെ സംവിധാനം ചെയ്ത മണികണ്ടന്റെ മറ്റൊരു മികച്ച ചിത്രം. കണ്ണിന് അല്പം പ്രശ്നം ഉള്ള നായകന്റെ സങ്കീര്ണ്ണമായ മനസ്സ്, ഒരു കൊലപാതകം, അതിന്റെ അന്വേഷണം. ഒന്നര മണിക്കൂറെ ഉള്ളു, എങ്കിലും ഉള്ളത് നല്ല ഗംഭീരമായി എടുത്തിട്ടുണ്ട്. Must Watch....
Aandavan kattalai - ഏവരുടെയും പ്രിയ നായകന് വിജയ് സേതുപതിയുടെ പുതിയ ചിത്രം. ലണ്ടനിലേക്ക് പോകാന് ശ്രമിക്കുന്ന നായകനും കൂട്ടുകാരനും. അതിനിടയില് പരിചയപ്പെടുന്ന ജേര്ണലിസ്റ്റ് ആയ നായിക. കൊച്ചു കൊച്ചു തമാശകള് നിറഞ്ഞ വളരെ മനോഹരമായ ഒരു പ്രണയ ചിത്രം വളരെ വളരെ ഇഷ്ട്ടപ്പെട്ടു. എല്ലാവരും കാണാന് ശ്രമിക്കുക. തീര്ച്ചയായും ഇഷ്ട്ടപ്പെടും. മണികണ്ടന് തന്നെയാണ് ഇതിന്റെയും സംവിധായകന്.
Rekka - വിജയ് സേതുപതിയുടെ ഒരു മാസ്സ് മസാല ചിത്രം. കമിതാക്കളെ ഒന്നിപ്പിക്കുന്ന നായകന്, അയാള്ക്കൊരു ഫ്ലാഷ് ബാക്ക്. ,മലയാളി ആയ ലക്ഷ്മി മേനോന് ആണ് നായിക. വിജയ് സേതുപതി ആയത് കൊണ്ട് മാത്രം ഇത് ഇഷ്ട്ടപ്പെട്ടു.
Devi -പ്രഭുദേവ നായകന് ആയ ഒരു കോമഡി ഹൊറര് സിനിമ. തമന്ന ആണ് നായിക. ഗ്രാമത്തില് നിന്നും കല്യാണം കഴിഞ്ഞ് ടൌണില് എത്തുന്ന നായികയുടെ ദേഹത്ത് ഒരു നടിയുടെ പ്രേതം കയറുന്നതാണ് പ്രമേയം. പ്രഭുദേവയുടെ നല്ല ഡാന്സ് ഉണ്ട്. watchable entertainer.
Remo - തമിഴിലെ പുത്തന് താരം ശിവ കാര്ത്തികേയന് നായകന് ആയ പടം. നായിക നമ്മുടെ മേനകയുടെ മകള് കീര്ത്തി സുരേഷ്. അവൈ ഷണ്മുഖി പോലൊരു തീം. നല്ല പാട്ടുകള് ഉണ്ടായിരുന്നു. കുറച്ച് കോമഡിയൊക്കെ ഉണ്ട്, എന്നാലും വിചാരിച്ചത്ര നന്നായില്ല.
